24/02/2013 14:59:53

Qumështi i kontaminuar: Kosova bllokon ngarkesat

Substanca kancergjene në qumësht: reagon pala shqiptare: 'po analizojmë kampionet'

TIRANE - Në tregun kosovar është bllokuar qumeshti i dyshuar me permbajtje Aflatoksin. Agjencia e Ushqimit dhe Veterinarisë se Kosovës ka hequr nga tregu disa lloje të qumështit që kanë rezultuar pozitiv në Aflatoksin. Agjencia thotë se ka urdhëruar importuesit t’i heqin nga shitja deri në marrjen e super analizës. Në në bazë të saj do të vendoset për kthim eventual në treg apo për asgjësim. Agjencia u kërkon qytetarëve që të pa lexuar llojet e produkteve, përmbajtjen, përqindjen e yndyrës, llojin e paketimit, serinë e prodhimit, vendin e origjinës, të mos blihen apo konsumohen.

Në ngarkesën e bllokuar është qumështi “MEGGLE” 3.2% dhe me datë të skadencës 23.06.2013 me origjinë nga Bosnja dhe Hercegovina. Ngarkesa më e konsiderueshme është nga Shqipëria dhe bëhet fjalë për qumështin “Fast” 3.5% me datë skadence 03.06.2013 me origjinë nga Shqipëria si dhe qumështin “Primalat” , 3.8%, data e skadencës 05.08.2013 , me origjinë nga Shqipëria, qumështin “ZOTT” 3.5 % me datë skadence 10.06.2013 me origjinë nga Bosnja dhe qumështin “Dukat” 2.8% yndyrë me datë skadence 12.05.2013 si dhe qumështi “Dukat” për kafe të gjitha seritë.

Në një njoftim për mediat nga Tirana, Ministria e Ushqimit dhe Mbrojtjes së Konsumatorit bën me dije se janë ndërmarrë nisma urgjente për të sqaruar gjendjen aktuale të këtij segmenti të tregut në Shqipëri.

Autoriteti Kombëtar i Ushqimit ka nisur menjëherë veprimet në terren, "ku janë marrë mostra të qumështit të cilave do tu bëhen analizat për të verifikuar përmbajtjen ose jo të Alfatoksinës. Ndërkohë, gjatë kësaj jave, pas njoftimeve zyrtare nga autoritetet homologe në rajon janë marrë mostra të qumështit Dukat dhe shumë shpejt pritet që të përfundojnë analizat në laboratorët e specializuar të Institutit të Sigurisë Ushqimore dhe Veterinare. Ministria e Bujqësisë, Ushqimit dhe Mbrojtjes së Konsumatorit bën me dije se AKU ka bërë kontrolle periodike apo dhe të befasishme te prodhuesit dhe importuesit e qumështit, të cilët i nënshtrohen analizave dhe në kontrollet e bëra në të shkuarën nuk ka rezultuar përmbajtja e Alfatoksinës. Çdo produkt që del nga njësitë e prodhimit në treg, apo hyn në Shqipëri nga subjekte importuese shoqërohet me certifikatat e nevojshme veterinare", thuhet në komunikatë.

Qumështi i bllokuar/ Qumësht MEGGLE 3.2% datë të skadence 23.06.2013: Qumësht Fast 3.5% datë skadence 03.06.2013: Qumësht Primalat 3.8%, datë e skadence 05.08.2013: Qumësht Primalat 1.5% me datë skadence 10.03.2013: Qumësht Primalat 1.6% data skadence 04.04.2013: Qumështi Primalat 3.5 te datë skadence 01.08.2013: Qumësht ZOTT 3.5 % datë skadence 10.06.2013: Qumështi Dukat 2.8% yndyrë me datë skadence 12.05.2013.

Aflatoksinat janë mikrotoksina të prodhurara nga disa lloje kërpurdhash të grupit Aspergillus, apo mykut. Aflatoksinat janë jashtëzakonisht toksike dhe konsiderohet si një prej substancave me kancerogjene që ekzistojnë. Në kushte natyre të favorshme, sporet e tyre rriten dhe përhapen në disa lloje ushqimesh. Këto substanca ishin shkaku kryesor i epidemisë së vitit 1961 e cila u përhap falë miellit të kikirikeve tek shpendët. Për më shumë lexo Wikipedia.

HermesNews - ©2013

Dërgo me email | Stampo artikullin